Следете нé или притиснете Escape

7 добри причини зошто да се консултирате со туристички агент

Иако повеќето луѓе би ги ставиле туристичките агенти на листата „мртви“ професии, заедно со работник во видеотека и поправач на видео рекордери, ќе бидете изненадени кога дознаете дека во свет каде веќе секој сам ги координира сопствените планови за летување, туристичките агенти сочинуваат една третина од приходите во травел индустријата и туризмот.

Не само што можат да направат работи за вас кој ги нема на интернет, нивниот труд е платен од страна на агенции и продавачи на аранжмани, што значи, бесплатен совет и услуга за вас. Во продолжение, 7 прости причини зошто, во наредна прилика, треба да бидете малку постаромодни и да дозволите туристички агент да го испланира вашето следно патување. 

1. Агентите знаат дали добивате добра зделка

Авионските карти не се секојдневие и секако, не секој е запознаен со соодветните цени на авиобилетите. Еден агент букира околу 50 карти секој ден и веднаш знае дали тие 500 евра за билет, кои на веб-страната ви се нудат како одлична зделка, се всушност во ред или можеби треба да разгледате уште еднаш.

2. Tуристичките агенти знаат кои места да ги посетите во градот во кој патувате или знаат некој што знае

Ако не одите во некој од најпопуларните градови во светот, голема помош е да имате некој да ве упати кои ресторани, места и хотели да ги посетите и секако, што да избегнувате. Во случај да не знаат самите, сигурно имаат некој колега или контакт што знае и може да помогне.

3. Можат да ви помогнат во случај на одложен/откажан лет

Доколку некогаш ви се има случено да контактирате веб страна во случај на одложен или откажан лет, знаете дека „редицата“ за чекање е доста долга и ќе наидете на доста проблеми и непријатности. Повикајте го агентот и ќе бидете префрлени на друг лет, додека одмарате во барот на аеродромот.

4. Туристичкиот агент може да резервира седишта заедно, на истиот лет и за истите пари

Наместо да искористите цела недела во координирање на групата со која патувате на одмор и на крај да добиете различни седишта до непознати патници, оставете на туристичкиот агент да се погрижи за вас и да бидете распоредени точно како што сте замислувале.

5.Можат да резервираат ВИП места, без да бидете ВИП личност

Факт е дека туристичката индустрија е поврзана и туристичките агенти обично имаат широк круг на контакти, што значи, може да ви најдат посебни тури и интересни настани за кои интернетот воопшто не ни знае или треба да се потрудите и да „копате“ доста длабоко.

6. Tуристичките агенти го прават целото истражување за вас

Доколу го побарате најблискиот аеродром на веб страна, повеќето од резултатите би биле доста неинтересни и нерелевантни за вас. Агентот точно знае што мислите и не би ви нудел нешто што не ви одговара.

7. Први ги добиваат подобрите понуди

„Новите“ понуди што ви стигаат на мејл, туристичките агенти ги знаат една недела пред вас, што значи агентите имаат многу подобри зделки за вас, отколку се’ што може да најдете на интернет, посебно кога се работи за комплицирани и премиум аранжмани.