Следете нé или притиснете Escape

Додатоци за лето

Се наближува летото. Вистинското време за одмор и за максимално опуштање. Можеби ќе читате некоја книга на плажата, можеби ќе имате луди вечерни излегувања и дочекувања на изгрејсонцата со своите пријатели, или пак, ќе имате мирен одмор со едноставно апсорбирање на сонцето на плажа.

Каков тип на личност сте? Се пакувате во последен момент и само ги “фрлате” алиштата во куфер или полека работите со листа, и внимавате на секоја работа која ја ставате во куферот?

Во двата случаи, постојат некои работи кои никако не смеете да ги заборавите. Најголем дел од момците се пакуваат на тој начин што на крајот на пакувањето на својата девојка, нафрлуваат во куферот неколку маици, шорцеви и пешкир. Ставаат очила за сонце и спремни се за заминување.

Покрај возбудата за претстојните патувања, ова се дел од работите кои мора да ги понесете.

Шапка – сончевите зраци последниве неколку години го тераат УВ индексот до максимална граница. Доколку не сакате за неколку години да го гледате своето лице со дамки и брчки предизвикани од сонцето, немојте да ја заборавите шапката за на плажа. Колку поширока, толку  подобро. Можете да си играте со стилот и да понесете некоја несекојдневна сламена шапка.

Крема со висок фактор е и повеќе од неопходна доколку планирате да се изложувате на сонце помеѓу 11 и 16 часот. Во раните утрински часови (најдоцна до 12) или во доцните попладневни часови (после 18) може да употребувате и креми со низок фактор.

На лицето во секој момент е најбезбедно да се користи фактор SPF 50, бидејќи,  тука кожата е најчувствителна и најтенка. Доколку мислите дека ако ја изгорите кожата, лесно ќе се врати на старо, тогаш се лажете. Таа го памети секој Ваш миг на нељубезност.

Трета важна работа е гумената топка, посебно доколку одите па одмор со деца. Не заборавајте ги и кофите, лопатите и кантите за играње.

Многу важна е и гумената перница и едно шише замрзната вода. Таа полека ќе се одмрзнува и ќе Ве разладува за време на долгите часови поминати во кола или на плажа.

Среќен пат!