Следете нé или притиснете Escape

Крит

На сите оние на кои што активниот одмор им е помил од обичното излежување на плажа, ќе се сложат дека Крит, најголемиот грчки остров е идеално место за задоволување на сите авантуристички апетити. Островот е сместен на крајниот југ на Егејското Море, така што додека од едната страна се бањате во европски води, Либијското море од другата страна на островот ве потсетува на близината на Афричкиот континент.

Грците неретко Крит го нарекуваат и „мал континент“. Кога ќе се види природната разноликост на островот, сфаќате дека не се далеку од вистината. Кањони и планини, брдовита внатрешност, зелени долини и прекрасни песочни плажи. 

Благата клима, со повеќе од 300 сончеви денови му овозможува на островот долга туристичка сезона која што почнува во март и трае се до ноември. На Крит не му недостасува ниту зимскиот туризам – планинскиот ланец со највисокиот врв Псилоритис кој се наоѓа на 2456 метри надморска височина е вистинска оаза за љубителите на скијањето.

Корисни информации за Крит

На Крит обавезно посетете го Ласити Платеу со своите бројни ветерници, како и Диктаион Антрон пештерата каде што според легендата бил роден Зевс. Доколку возите по островот ќе го чувствувате мирисот на жалфија скоро по цел остров. Жалфијата и Мајчината Душица се најпрепознатливите билки на цел остров.

Внимавајте на двосменското работно време на продавниците, истотака кафулињата отрвораат малку подоцна од кај нас. Продавниците во туристичките зони се отворени без паузи до доцна во ноќта.

Доколку планирате да го посетите Крит на пролет најверојатно ќе се запознаете со Нотос – јак топол ветер кој дува од Афирка и често носи црвенкаст песок.

Од црквените храмови што не се во некои од поголемите места, обавезно посетете ги манастирите Аркади и Панагиа Кера.

Ноќен живот на Крит

Доколку прошетате низ градот рано наутро, ќе ви делува мртво. Околу 10 ч. Се отвораат првите продавници а дури после пладне туристите тргнуваат кон плажите. Сепак и покрај илјадниците турсити кои секојдневно пристигнуваат на островот плажите воопшто не се натрупани.Навечер пак, особено после 22 ч.едвај можете да се разминете низ улиците. Ноќта ги мами и домашното население и многубројните туристи. Ноќните барови се отвораат околу 20 ч.а се затвораат во раните утрински часови. Забавата воопшто нема да ви недостасува без разлика дали сте љубител на традиционалата грчка музика или сакате да слушате рок, поп или техно.

Најпознатите места за излегување се Херсонисос и Малиа, додека Хераклион е нешто помирнио место. Малиа е позната по песочните плажи на кои се прават и најразлични забави, а по главниот пат од местото до плажата се наоѓаат голем број на дискотеки.

Во Херсонисос поголемиот број на ноќни клубови и барови се наоѓаат на самата обала, има и дел од нив кои се на главиот градски пат. Овде можете да сретнете млади од целиот свет. Во Херсонисос се истакнуваат неколку клубови, најверојатно најдобриот клуб во градот Матрик, најстариот Амнезија и Статус.

Плажи на Крит

Околу Херсонисос има десетина плажи, а најпознати ( правец запад – исток) се:

• Плажа 1 (не е класична плажа туку камења на кои има рамни делови за сончање), нудистичка плажа (не очекувајте многу приватност, туристите можат слободно да шетаат покрај вас)

• Лиманакиа (збир на песочни плажи западно и источно од градското пристаниште; западно е најголемата плажа на местото која се простира до  хотелот Kreta Maris, секогаш е полна и достапни се голем број на водни спортови; uисточниот дел почнува кај барот New York и заврчшува кај Silva Marisa)

• Ѕвездена плажа (Star Beach аква парк, песочна плажа, достапно е банџи скокање)

• Nana Beach Hotel (песочна плажа, заштитена од ветер)

• Сталис (одлична плажа, достапна со автобус и такси, заради поголемата одалеченост од местото)

Скоро сите плажи околку Хераклион имаат богат спектар на содржини; на секоја плажа има чадори и лежалки а околу нив голема понуда на таверни, ресторани барови.

Почнувајќи од запад до исток, најпознатите плажи се:

• Фодел (23 км западно од градот, песок, блискиот град Фодела е родно место на "Ел Греко")

• Мононафтис (20 км западно)

• Агиа Пелагија (16 километри западно, заштитено од ветрот)

• Лигарија (15 км западно)

• Палиокастро (песочна плажа)

• Амудара (5 км западно, достапно со автобус и такси од Хераклион)

Источно од Хераклион се наоѓаатФлорида, Картерос, ЕОТ и Амнисос (8 км источно, долг низ на песочни плажи, секој дел со различно име, бројни барови на плажа и можност за транспорт до градот), Кокини Хани (12 км источно, барови на плажа, песок, многу млади), Гоурнес (17 км источно), Гоувес (18 км источно), Аналипсис и Анисарас (20 км источно) и Сталис (песочна плажа)

Aтракции и знаменитости

• Kносос - Овој археолошки локалитет е на 5 километри југоисточно од Хераклион. Тој содржи остатоци од минојската цивилизација, една од првите цивилизации.

• Островот Спиналонга - колонија на лепра.

• Ваи - единственото место во Европа каде што палмите природно растат.

• Археолошки музеј во Хераклион - ова е еден од најбогатите музеи во Грција. Во него можете да ги видите експонатите од неолитот до Римската империја.

• Гпортис - Поранешниот главен град на Рим.

• Фестос - археолошки локалитет, остатоци од богат град.

• Замокот Франгокастело - Венецијански замок од 1371, кој се наоѓа недалеку од Ретимно.

• Klar Самари - најдолго и кажете најубава падина на Европа во вкупна должина од 18 км.

• Матала – рај за хипици

Rent a car на Крит

Цените за изнајмување се поволни и некој помал автомобил(пр. Fiat Punto, Renault Twingo, Opel Corsa) можете да го изнајмите на една недела за цена од 150 евра. Доколку се одлучите да изнајмите автомобил, ова се времетраењата на патување од едно до друго место: од Хералкион до југот на островот околу 1,5 до 2 часа, до Агиос Николаос 1 час, до Ретимно 1,5 час, до Ханија 2 часа.