Следете нé или притиснете Escape

Пелопонез – најголемиот грчки полуостров

Пелопонез е најголемиот грчки полуостров и се наоѓа во најјужиот дел на оваа држава. Со копниот дел е поврзан по природен пат, преку Коринтскиот канал.

Исто како и Халкидики, и Пелопонез на својот јужен дел има мали полуострови, и тоа: Месинија, Мани, Епидаурус и Арголида. Овој полуостров личи на јаворов лист. Исто така, поделен е и на три периферии: Атика Пиреј, Пелопонез и Западна Грција.

Туристичката понуда е разновидна и може да го задоволи секој  турист. За летен одмор, со пријатната медитеранска клима идеални се обалите Месинија, Ахаија и Илија, додека пак, за планински одмор е централниот дел на полуостровот, каде има ладна клима и снег во текот на зимата. Изберете ги градовите Мани, Калаврита или Монемвасиа кои располагаат со автентични хотели од камен.

Температурата на воздухот во просек се движи околу 20 степени, а во регионите кои се наоѓаат  во близина на обалите температурата е поголема за околу 10 степени.

Најважната карактеристика на Пелопонез е Коринтскиот канал. Изграден е во чест на првите Олимписки игри од модерното време. Кога ќе го посетите, според преданието, ќе се движите по истиот пат по кој се движеле Спартанците.

Каналот е долг 6 километри и има два мостови за железнички и патен сообраќај. Кога ќе го посетите, не заборавајте да се сликате на средината на мостот, каде има неверојатен поглед од едната страна кон Јонското море, а од другата страна кон Егејското море. J

Од како ќе го поминете каналот ќе стигнете до населбата Коринт, од каде може да изберете два правци: јужно се наоѓа патот за Арголида, а на запад се наоѓа патот кој води до татковината на античките Олимписки игри.

Лутраки е првото летувалиште најблиску до Коринт, оддалечено од Атина околу 80 километри. Плажата во овој дел поседува сино знаменце уште од 1993 година.

Карактеристичка на плажите на Пелопонез се убавите заливи, ували и длабоките води кои се рај за нуркачите. Годишно, на Пелопонез, околу 50 плажи се наградени со сино знаменце.

Месинија е една од најпознатите плажи на западниот дел на овој полуостров. Има облик на амфитеатар, сместена во залив со камења, поради која е заштитена од бранови, песочна плажа и кристално чиста вода. Над неа се сместени пештери.

За време на посетата на Пелопонез ќе може да погледнете голем број на остатоци од старите антички градови. Богатата историја е нешто што го прави овој полуостров посебен. Постои уште од старите, праисториски времиња, а името потекнува од грчката митологија, односно, по владетелот на ова подрачја, Пелопс.

Доколку на своето летување идете со автомобил, посетете го и местото Термопиле (во централна Грција) – местото каде загинал Леонидас и каде биле познатата битка на Спартанците. Прочуената Спарта се верува дека исто така се наоѓа во Пелопонез.

Пелопонез од секогаш бил препознатлив како традиционален  и конзервативен регион. Долго време бил еден од најсиромашните региони во Грција, и поради иселувањето имал мала густина на населеност.

Не заборавајте да ги пробате највкусните маслинки, домашното маслиново масло и слаткото мускатно вино...

Денес, Пелопонез по се може да се спореди со другите делови во Грција, посебно со приморските градови, убави и прилагодени за удобен одмор. Едно е сигурно, доколку се одлучите, ќе ви треба многу повеќе од еден ден за да го разгледате убаво овој полуостров. Неговата природа и богата историја несебично нудат незаменливо искуство, долго истражување и запознавање.