Следете нé или притиснете Escape

Родос – најголемиот остров на Додеканскиот архипелаг

Родос не само што е најголем туку е и најистакнат остров на Додеканскиот Архипелаг. Тој се наоѓа на само 18км од Турција.

Една од главните карактеристики на овој остров е дворецот покрај кој се наоѓа главниот град. Тој е една од најистакнатите примероци на средновековната архитектура. Дел од другите богатства кои зборуваат за минатото на овој остров се: средновековниот град Родос, Палатата на големите мајстори, археолошкиот музеј на Родос, замоците Критиниа, Монолитос и Фераклос и друго. Сезоната на Родос трае од април до октомври. Тој има многу мал број на дождливи денови, поради што постои легенда според која секој оној кој ќе купи чадор на Родос ќе се врати повторно на овој остров.

Причини за да го посетите Родос:

  • Шармантен стар дел на градот
  • Рај за сурфери
  • Незаборавен ноќен живот
  • Прекрасни плажи
  • Идеално место за одмор од минимум 7 дена. Постојат многу интересни места за разгледување, а далечините не се големи.

Најзначајни градови и места на Родос

На овој остров постојат голем број на мали места – села, посебно во планините, каде може да одморите од напорните туристички дестинации.

Градот Родос – се наоѓа на североисточниот дел на островот. На исток и запад од него, се наоѓаат голем број на летувалишта, хотели, забавни центри, продавници, луксузни ресторани, грчки таверни и кафичи, едно од седумте светски чуда - прочуениот Колос. Помеѓу градот и летувалиштето чести се автобуските врски. Аеродромот е оддалечен 16км од градот.

Во средината на островот се наоѓаат две оази на зеленила. Првата е Долината на пеперутките која се наоѓа на 30км од градот и работи секој ден до 18:00 часот и Долината на седумте извори, која се наоѓа на 25км од градот. Тоа е единствениот дел на островот каде има извор на слатка вода.

Источната обала на Родос

Голем број на прекрасни плажи, како што се:

  • Afandou и Tsambika кои се едни од најголемите
  • Faliraki  - некогашното рибарско место кое денес претставува најголема туристичка зона на островот со бројни продавници, кафетерии, диско клубови и барови
  • Pefkos – преку ден е мирна и опуштена дестинација, додека пак навечер се претвара во живописно место со топла и пријатна атмосфера. Таа е чиста песочна плажа со можности за многубројни водени спортови. Се наоѓа на брдовит терен опкружен со борова жума.

Западната обала на Родос

Западната обала на Родос е многу мирна и пуста, освен во северозападниот дел кој има бројни хотели и ресторани. Каменеста плажа и пријатен ветер од турското копно. Морето речиси секогаш е со бранови, идеално за спортски активности и за лица кои несакаат голема топлина.

  • Kalithea – одлично место за лица кои сакат целосна релаксација. Место без ноќни забави и гласна музика.
  • Afandou – едно од поголемите места на овој остров. Место опкружено со планина поради кои не се гледа морето. На ова место има терен за голф, а е познато по тоа што тука се изработуваат теписи.
  • Embonas – живописно место сместено јужно од  главниот град и се наоѓа на најголема надморска височина од 850м
  • Archangelos – место каде што жителите сеуште многу веруваат во традицијата и обичаите. Сочуван е дијалектот на селата, лебот се пече во печки на дрва, венчавките се одржуваат на традиционален начин...

Плажите на Родос

Најголем дел од плажите имаат добиено плаво знаменце, поради квалитетот и чистотата. Најпознати се:

  • Afandou – песочна и каменеста плажа, на која нема некоја посебна гужва
  • Faliraki – песочна плажа долга 4км, опремена со чадори за сонце и лежалки
  • Kalathos – песочна плажа каде може да изнајмите дрвени лежалки и чадори за сонце од бамбус
  • Kalitheа – позната по топлите извори кои имаат медицински ефект
  • Tsambika – песочна плажа идеална за водни спортови

Освен во морето и сонце, на овој остров може да уживате и во куглањето, кое се стекнува со се поголема популарност. Bungee jumping во зоната на Фалираки (препорачуваме да не го напуштите островот без барем еден скок J ). Изнајмувањето на велосипеди е возможно со сите делови на островот. И секако, голф терените од кои може да изнајмите целосна опрема.

Ноќниот живот на Родос

Островот е познат по богатиот ноќен живот, бидејќи ги нуди сите видови на забави за сите посетители. Софистицирани клубови, барови и големи дискотеки кои се отворени цела вечер и гарантираат незаборавен помин. Во градот за време на летото се организираат и бројни концерти на класична и модерна музика, како и театарски претстави. Во градот има 6 кино сали кои нудат богат избор на филмови.