Следете нé или притиснете Escape

Запознај го светот – Малдиви, дестинација за која нема да зажалите!

Сигурно голем број од Вас ќе воздивнат кога ќе слушнат за ова прекрасно место - Малдиви. За голем број од нас, тие можеби ќе остане само сон и желба, но, за голем дел и реалност.

Малдивите се вистинско чудо на природата кои долго време биле една од најчуваните тајни. Станува збор за потоци со палми, прекрасни плажи со кристално бел песок, тиркизна лагуна, корални гребени кои секој пат ги фасцинираат своите посетители.

Малдиви се островска држава во Индискиот океан, југозападно од Индискиот полуостров. Се состојат од 1.200 острови групирани во 26 атоли. Од нив, 200 се населени, а 80 се користат исклучиво за туризам и го нудат целиот потребен луксуз, на оние кои сакаат одмор од пет ѕвездички.

Официјална религија е исламот, а јазикот на најголемиот дел од населението е дивехи, индо-европски јазик најмногу сличен на сингалскиот јазик на Шри Ланка. Економијата на оваа прекрасна дестинација се темели на туризмот и риболовот.

Доколку се одлучите да ја посетите оваа прекрасна држава,  треба да знаете дека за време на зимата (додека кај нас е ладно и мислиме само на тоа како да се загреееме), на Малдивите е постојано сончево што ја поправа атмосферата после тмурните и ладните денови.

Малдивите се познати и како идеална дестинација за сите парови кои сакаат да заминат на некое егзотично место на меден месец, или да прослават годишнина од својот брак. Сите кои веќе биле на Малдивите ќе се согласат дека тие се една од најромантичните дестинации во целиот свет. Не станува збор само за тоа дека ќе го добиете потребниот мир и одмор, туку и дека ќе уживате во бројните услуги на хотелите, како што се подводните бањи кои се наоѓаат во најлуксузните одмаралишта. Пејсаж од кој запира здивот.

Доколку пак сте љубители на повеќе активен одмор, Малдивите нудат богата понуда за нуркање и сурфање.

Природната убавина е застапена како на брегот, така и под морето. Пред се, се мисли на коралните гребени со богата флора и фауна.

Освен овие позитивни страни, треба да се споменат и негативните страни на овие острови. Тука станува збор за цените кои се надвор од хотелите. Дококу се одлучите да купите сувенири  или нешто друго, треба добро да се размисли колку е тоа паметно и колку саканото нешто Ви е потребно.

Треба да бидете внимателни и кога се изложувате на сонце и ако се одлучите да пливате меѓу островите, бидете внимателни, бидејќи има многу силни струи. Затоа најдобро да ги избегнувате овие потези.

Малдивите се навистина прекрасна дестинација за која вреди да штедите. Не само за прекрасните плажи за кои секој посакува да ги посети, ќе видете незаменлива природа која не ни можете да ја замислите. Тиркизно море со голем број на палми кои Ве опкружуваат. Прекрасно нели? :)