Следете нé или притиснете Escape

Островот Амоулиани

Островот Амоулиани (Island of Ammouliani) се наоѓа на 120км од Солун

Островот Амоулиани (Island of Ammouliani)

           Островот се наоѓа на 120км од Солун. До него може да се стигне со траект (кои ги има многу често), и патувањето со нив трае само 10 минути, до Трипити плажата која е лоцирана спроти островот. Амоулиани е единствениот остров на Халкидики кој што е населен со постојани жители. Нивниот број изнесува 600, кои што главно се занимаваат со рибарство и туризам, но за време на летото нивниот број е значително поголем и изнесува околу 5.000.

         Од година на година бројот на туристите на овој остров се зголемува, и тој станува една од главните дестинации во Грција. Негова главна карактеристика се песочните плажи, кристално чистата вода, можностите што ги нуди за спорт и рекреација, гостопримливите домаќини, неговата вегетација итн. Посетете го овој остров и уверете се во неговите убавини!