Следете нé или притиснете Escape

Запознај го светот - топ 10 најубави зајдисонца

Секое зајдисонце носи со себе ветување за утрото. За ваше уживање, ние ги избравме топ 10-те најволшебни глетки од овој момент, насекаде од низ светот.

10. Халекулани Ресорт, Хонолулу, Хаваи

Хаваиска класика. Седнете на верандата и дозволете пријатното ветре, коктелот во вашата рака и музиката на островот да ве убедат дека можеби треба да живеете овде  засекогаш. Залезот на сонцето, кој најверојатно ќе изгледа како вашиот пијалок, ќе успее во убедувањето.

9. Антелоп Ајленд Стејт Парк, Сиракјус, Јута

Залезот на сонцето овде го опколува најголемиот остров на  езерото Грејт Салт Лејк. Останува на вас да уживате во  прекрасниот настан и можеби да направите некоја  фотографија и да пробате да ја доловите магијата на вечерта.

8. Пристаништето во Њујорк. Њујурк, Њујорк.

Статуата на слободата изгледа прекрасно и доста шармантно со залезот зад нејзиниот грб. Доловете ја целата убавина  на моментот, додека се возите на бротче со кренати едра и  чаша шампањ во рака. Погледот на исток е исто така  зашеметувачки, обоен со мекото повлекувањето на сончевата светлината од Менхетен.

7. Ки Вест, Флорида

Ова е град што секоја приквечерина ја завршува со залез  што ќе ве маѓепса и убеди дека навистина е убаво да се  биде овде. Два часа пред сонцето да го обои небото црвено,  тргнете на прошетка по брегот и уживајте во шопинг или  можеби нешто вкусно од многуте штандови кои ги има  насекаде. Завртете се кон Мексиканскиот залив и уживајте во  уметноста на природата.

6. Национален парк, Торес дел Пеин, Чиле

Географскиот распоред на паркот нуди милиони слики на  различни залези. Пробајте да замислите само една: гранитни  врвови и под нив, леднички езера облеани со розев сјај,  додека наскеаде околу вас доминира бојата на зелениот мов  и растенијата.

5. Замокот во Иа, Санторини, Грција.

Овде, се’ изгледа како дел од една огромна разгледница.  Додека сонцето заоѓа под Егејското Море, небото насекаде  околу селцето, се претвара од прекрасна сина во длабоко  црвена и навистина ќе ве остави без здив од убавината и  сјајот што го нуди местово.

4. Клифтон Плажи, Кејп Таун, Јужна Африка.

Бел песок, сина вода и брилијантен залез на небото. Не е  воопшто изненадување што во Клифтон живеат најголемиот дел  од богатите граѓани на Кејп Таун, погледот е едноставо  зашаметувачки. Избегнете го паркингот и понесете си пешкир  на кој ќе седите додека уживате во волшебното небо над  Атлантскиот океан.

3. Национален парк Кентинг, Хенгчун, Тајван.

Високо над западниот брег на Кентинг, овој поглед на  јужниот врв исправен над Тајванскиот проток,  изненадувачки, не е една од најпознатите атракции на  паркот. За вас, ова е добра вест, бидејќи ќе имате шанса  сликата од заоѓањето на сонцето да биде само ваша. Не  заборавајте ги и другите убавини на паркот, како  егзотичните растенија, птици и пеперутки.

2. Заливот Ваиру, Бора Бора, Тахити

Заземете позиција надвор од вашиот хотел и чекајте. Кога  сонцето ќе се сретне со хоризонтот, светот почнува да  свети со волшебен и брилијантен сјај. Да напоменеме дека  сите хотели во регионот се доста скапи што е доста  разбирливо гледајќи ја убавината на овој летен рај, но  бесплатното вечерно шоу е можеби најголемото уживање што  го нуди заливот.

1. Улуру, Северна Територија, Австралија

Додека сонцето заоѓа и небото изобилува со безброј бои и  форми, масивниот песочник во Улуру со висина од 350 метри,  свети со топол црвен сјај и изгледа ко да ја впива сета  боја од небото. Пред да изберете место да го гледате  залезот, препорачуваме да направите една прошетка околу  каменот.