БЕЛГРАД И НОВИ САД

Автобус / 2 ноќи / 05– 07.03. 2021

*Плаќање исклучиво во денари по курс 1 ЕУР = 62 МКД

Автобус 3 дена / 2 ноќевања

Цена на аранжманот по лице    4.900 денари (79 евра)

05– 07.03. 2021

Белград е главен и најголем град во Србија. Градот се наоѓа на устието на реките Сава и Дунав во централна северна Србија, на местото каде што Панонската Низина се сретнува со Балканскиот Полуостров.  Населението во Белград брои над 1,2 милиони жители и по бројот на жители е четврт во Југоисточна Европа, по Истанбул, Атина, и Букурешт.  Се смета за еден од најстарите европски градови, бидејќи неговата историја е подолга од 7000 години. Во својата многугодишна историја, бил освојуван од преку 40 војски: римски, византиски, бугарски, унгарски, отомански итн. Претставува економски центар на Србија и главен град на српската култура, образование и наука. Едно од  главни обележја во Белград е Храмот Свети Сава кој е најголем српски православен храм, и воедно најголем православен храм на Балканот, се наоѓа во источниот дел на Светосавскиот плоштад, и е видлив од сите влезови на градот.

Нови Сад  е главен град на северната српска покраина Војводина и административен центар на Јужно-бачкиот округ, и е втор по големина град во Србија, по Белград. Градот се наоѓа на границата помеѓу регионите Бачка и Срем, на брегот на реката Дунав и каналот Дунав-Тиса-Дунав, притоа гледајќи на северните падини на планината Фрушка Гора. Нови Сад е центар на српската култура и го добил прекарот Српска Атина. Денес,  е голем индустриски и финансиски центар на српската економија, а исто така е еден од најголемите градежни локации во регионот.

05Март (петок)     СКОПЈЕ – БЕЛГРАД   Состанок на групата во 2.30 часот на паркингот спроти хотел „Холидеј Ин“, тргнување за Белград во 3.00 часот. Се патува преку граничниот премин Табановце со куси попатни паузи за царински формалности. Пристигнување во Белград во  утринските часови. Разгледyвање на градот со стручен локален водич: хотел Москва, Кнез Михајловата улица, Соборната црква, Булеварот на Револуцијата, Калемегдан... Сместување во хотел. Слободно попладне за индивидуални активности. Можност за вечера во ресторан на Скадарлија. Ноќевање.

06Март (сабота)        БЕЛГРАД – НОВИ САД    Појадок. После појадокот (факултативно) тргнување за Нови Сад. Разглед на градот со стручен локален водич: Петроварадинската Тврдина, Стариот град, Музејот, црквата Св. Ѓорѓи, куќата на Милева и Алберт Ајнштајн... ручек во традиционален ресторан – Салаш, во центарот на градот. Враќање во хотел во Белград. Слободно време за прошетки и индивидуални активности.  Ноќевање.

07Март (недела)      БЕЛГРАД – СКОПЈЕ   Појадок. Одјавување од хотел. Тргнување кон Македонија, со попатна посета на трговскиот центар Ушќе. Слободно време до 15 часот. Патување со куси паузи за одмор и царински формалности. Пристигнвање во Скопје во вечерните часови.

Услови

ЦЕНА  ПО ЛИЦЕ 4.900 денари (79 евра)

Цената вклучува:

  • Превоз со туристички автобус на наведената релација
  • 2 ноќевања со појадок во хотел со 3***
  • Разгледување на Белград со стручен локален водич
  • Посета на трговскиот центар Ушќе
  • Придружник – пратител на групата за време на патувањето

 Цената не вклучва:

  • Целодневна посета, разгледување на Нови Сад со стручен локален водич и ручек во традиционален ресторан – Салаш, 1.550 мкд. (25 евра) за минимум 30 пријавени патници
  • Вечера во ресторан на Скадарлија 1.550 мкд.(25 евра)
  • Задолжително патничко-здравствено осигиривање
  • Туристичка такса 160 денари по ноќ по лице (се плаќа на рецепција)

Напомени

  • За реализација на аранжманот потребен е минимум од 40 патници
  • За овој програм важат Општите услови на патување на Папилон Туристичка Агенција
  • Начини на плаќање:
  • Цената на аражманот се плаќа исклучиво во денари во агенција. При резервација на аранжманот се уплатува 30% од износот на аранжманот како авансна уплата. Остатокот од аражманот се доплатува на 7дена пред поаѓање.
  • Општи напомени за патување:
  • Т.А. Папилон го задржува правото , во случај на промена на цената на превозот, хотелот, недоволен број на пријавени патници и слично, да ја измени цената на аранжманот или пак да го откаже во целост аранжманот на 7 дена пред поаѓање. За време на разгледите на градовите наведени во програмата не се предвидени посети на внатрешноста на јавните згради, институции или културни споменици, освен ако тоа не е посебно нагласено во програмата.
  • Патникот има обврска да се јави 24 часа пред поаѓање за да потврди време и место на поаѓање!

Полето за е-пошта е празно!

Карактеристики

  • Автобуски превоз
Прикажи повеќе

Оддалеченост од плажа/ски-центар

ВНЕСИ ПОДАТОЦИ


Полето за е-пошта е празно!


Популарни понуди