ПОПОВА КУЛА

ДЕМИР КАПИЈА

*Плаќање исклучиво во денари по курс 1 ЕУР = 62 МКД

Винарската визба Попова Кула и лозовите насади се лоцирани на јужната падина на Велико Брдо, западно од прекрасното градче Демир Капија во близина на автопатот Е-75. Демиркаписката долина се наоѓа на југоисточниот дел од Тиквешкиот вински под регион, што е дел од Повардарискиот Регион. Најстарите археолошки пронајдоци докажуваат дека луѓето во овој реон одгледувале винова лоза и произведувале вино во 13 век п.н.е. Демиркапискиот регион располага со одлични климатски и почвени услови за одгледување на винова лоза.

Кралството на Кралот Александар Караѓорѓевиќ се протегало на територијата на денешните држави Македонија, Србија, Црна Гора, Босна , Хрватска и Словенија, вклучувајќи ги и брегот на Јадранскто Море и Панонската низина. Со тоа Кралот Александар имал бројни можности да избира локации за садење на лозовите насади низ целото кралство. Но следејќи ги препораките на своите мудри советници тој ја донесува вистинската одлука и го избира микрорегонот на Демир Капија како идеална локација за своите лозови насади, на истото место каде што денес е лоцирана нашата винарска визба.

Кога прв пат дојдовме на ова место ние знаевме дека ова е идеалната локација за нашите лозови насади и винарска визба. Преку сликите објавени на нашата интернет страница ќе се обидиме и вам да Ви го покажеме тоа. Меѓутоа Ве покануваме да не посетите и самите да ги доживеете убавините и магијата на регионот. Сигурни сме дека и Вие ќе ја поддржите нашата одлука за локацијата.

Хотелот „Попова Кула“ Ви нуди незаборавно искуство со своите 33 соби, секоја именувана според сортите вина кои се произведуваат во Попова Кула и декорирана во склад со боите и нијансите на виното. Сите се опремени со: телефон и интернет, клима уред и сателитска телевизија. Поголемиот дел од нив имаат и балкон со восхитувачки поглед на прекрасната околина – вистински предизвик за љубителите на природата.

Веднаш до рецепцијата во хотелот се наоѓа и нашата продавница за вино и сувенири, во којашто можете да ги купите нашите вина и други различни подароци по намалена цена.

ДОПОЛНИТЕЛНИ АКТИВНОСТИ

Околината на Винаријата Попова Кула ви нуди можност да уживате во една поразлична приказна. Покрај тоа што имате можност да научете нешто повеќе за душата и аромите на виното,имате можност и да се поврзете со недопрената природа во околината.

Заменете го секојдневието со следниве прошетки:

РЕКА ДОШНИЦА

Една од најчистите реки во околината,богата со вкусна пастрмка. Реката е позната кај авантуристите и трагачите по злато, бидејќи се смета дека во минатото околу речното корито била вршена експлоатација на злато.

ДОЛИНА НА КАКТУСИ

Долините на кактусите се дел од многуте креации на природата која несебично и ги дарила. Иако е добро познато дека кактусот е растение кое расте во пустинските делови на Мексико и САД, во Македонија како необичен природен феномен е пронајден на неколку места. Особено е впечатлива Долината на кактусите која се наоѓа во близина на напуштеното село Клисура, на околу 5 км јужно од градот Демир Капија. На јужната падина на висорамнината Краставец, еден посебен вид на џуџест кактус, кој како форма е многу редок, успеал да се прилагоди на тамошните природни климатски услови и да опстане, благодарејќи на влијанието на медитеранската клима од Егејот.

КАЧУВАЊЕ ПО КАРПИ

Демир Капија е едно од најдобрите места во Македонија за качување, планинарење, пешачење, риболов и други активности на отворено. Има 16 сектори за спортско искачување, повеќе од 200 правци имаат различна категорија на потешкотии.Многу карпи се наоѓаат во близина на патиштата и инфраструктурата, што овозможува брз пристап до повеќето од качувачките сектори; повеќето од нив се погодни за почетници и групи со деца. Повеќето од карпите се варовнички, но еден час оддалечени се и песочник и гранитни карпи за искачување, планинарење и касарење.

ТВРДИНА ПРОСЕК

Старата градска населба, што се наоѓала на овие простори, имала посебно значајна стратегиска и воена позиција во минатите епохи. На ова упатува и присуството на цел систем на утврдувања на камените масиви од двете страни на Вардар, меѓу кои најистакнати се Марков Град и Кале-Стрезов Град од левата страна и Рамниште од десната страна на реката. Од сите нив се зачувани остатоци од бедеми. Внатрешната тврдина-акрополот на Марков Град, е изградена од големи квадери од варовник, без малтер. Наодите од керамика од класичното и хеленистичкото време и неколкуте хеленистички монети укажуваат дека таа била користена многу векови пред римската доминација. Освен историја на дофат имате и прекрасна панорама.

ВЕЛОСИПЕДСКИ ПАТЕКИ

Инспирирани од прекрасната живописна природа, маркирани се десет велосипедски патеки во околината на Демир Капија за проширување на велосипедизмот во Македонија. На патот ќе ве пресретнат:водопади, карпи, дива природа, лозја, овоштарници, историски објекти.

ТОПЛИ ВИРОВИ НА РЕКАТА “ДОШНИЦА”

Вистинско скриено богатство за посетителите - освежете се и сплотете се со природата. Пред самиот влез на р. Дошница во демиркаписката долина, реката има формирано природни вирови погодни за освежување. Водата во вировите летно време е затоплена од сонцето, но и од акумулираната топлина од карпите коишто ги опкружуваат.

Полето за е-пошта е празно!

Карактеристики

  • Бања
  • Градина
  • Паркинг
Прикажи повеќе

Оддалеченост од плажа/ски-центар

ВНЕСИ ПОДАТОЦИ


Полето за е-пошта е празно!


Популарни понуди