МАДРИД 22-25.11.2025

Мадрид е главен и најголем град во Шпанија. Градот е населен со околу 3,3 милиони целото население во градскиот дел  е пресметано дека е 6.386.932 жители и се простира на 698 км2.

Градот се наоѓа на реката Мансанарес во центарот и на земјата и општината на Мадрид (која го опфаќа градот Мадрид, со своите издвоени и проширени предградија и села); оваа општина се граничи со автономни заедници на Кастилја и Леон и Кастилја-Ла Манча. Освен главен град на Шпанија, седиште на владата и престолнина на шпанскиот монарх, Мадрид исто така е и политички центар на Шпанија.

Ова е град на елегантни булевари, големи и уредени паркови каков што е Ретиро... исто така е град и на страста, уметноста и музиката. Градот поседува богати збирки на европска уметност, вклучувајќи ги и делата во Музејот Прадо од Гоја, Веласкез ... Срцето на стариот Хабсбуршкиот Мадрид е Плаза Мајор,  Кралска палата и оружарницата... И секако за крајот на денот за не ја заборавиме страсната шпанска музика и огнениот фламенко танц...

22. Ноември (Сабота) СКОПЈЕ – МАДРИД

Состанок на групата на Аеродромот во Скопје во 14:30 часот. Полетување за Мадрид во 16:05 и пристигнување во 20:00 часот. Трансфер до хотелот со панорамско возење кон “Кралскиот град”, избран за главен град од кралот Филип II во 16 Век, по Авенијата Кастелана преку Плоштадот Кастилја и покрај стадионот “Сантиаго Бернабеу“ на ФК Реал Мадрид. Сместување во Хотел Madrid-Plaza de España 4*. Препорачуваме посета и уживање во тапас баровите во кои се служат традиционалните шпански јадења. Ноќевање.

23. Ноември (Недела) МАДРИД

Појадок. Пешачка прошетка низ центарот на Мадрид, (трансфер со локален превоз), по познатата Авенија Гран Виа, (Големата улица) која се карактеризира со високи скалести згради, Плоштадот Пуерта дел Сол, Фонтанaтa Нептуно, Плоштадот Сибелес, Кружниот плоштад со фонтана од 18 век, Портата Алкала (Триумфалната порта)… Прошетката продолжува до Шпанскиот плоштад посветен на Мигел де Сервантес и хероите од неговиот роман „Дон Кихот“, Плоштадот Ориенте, Кралската Палата, Катедралата Алмудена каде се венчаа сегашниот крал Филип VI и Летиција, познатиот Меркадо де Сан Мигел, Црквата Св. Исидор, заштитникот на Мадрид, Плоштадот Мајор… Препорачуваме посета на музејот REINA SOFIA, познат по делата на сликарските великани: Пикасо, Миро и Дали, каде се наоѓа и славната Пикасова “Guernica”.  Во вечерните часови, можност за уживање со заводливиот ритам на шпанската музика со уникатните звуци на гитарата и спектаклот на оригиналниот танц Фламенко. Ноќевање.

24. Ноември (Понеделник) МАДРИД

Појадок. Прошетка во познатиот парк Ретиро, еден од најубавите и најголемите градски паркови во Европа. Поранешниот кралски имот кој им служел на кралевите како отмено место за  одмор, денес е омилена зелена оаза во центарот на градот, со езеро и градини, каде може да пешачи по живописниот Paseo de la Argentina до Casita del Pescador, Кристалната палата, градината со рози Ла Росаледа. Тука е наоѓа и ЗОО – Аквариумот во Каса де Кампо, се простира на приближно 20 хектари и се смета за еден од најголемите во светот. Во близина е еден од најголемите музеи во светот, музејот Прадо, кој располага со една од најбогатите светски збирки на уметнички дела на прочуените шпански уметници: Ел Греко, Веласкез, Гоја, Рибера, Мурило… Слободно време за индивидуални прошетки и посета на некој од одличните ресторани во градот, познат по своето гастрономско богатство. Вечерта, препорачуваме прошетка по прекрасните мали плоштади со тераси за кафе или популарниот пијалок сангрија, заедно со сендвичот „bocadillo de calamares“ и уживање во опуштената атмосфера. Ноќевање.

25. Ноември (Вторник) МАДРИД – ТОЛЕДО - СКОПЈЕ

Појадок. Факултативна екскурзија до Толедо, град-музеј под заштита на УНЕСКО, патување до срцето на Кастилја и старата престолнина на Шпанија. Посета на видиковецот на брегот на реката Тахо од каде што се пружа прекрасна глетка кон градот. Во културно – историското наследство на Толедо, длабоки и сеуште видливи траги оставиле Христијаните, Арапите и Евреите. Градот е ризница на историски знаменитости од готика до барок. Посета на црквата Св. Томас позната по ремек делата на големиот уметник Ел Греко. Трансфер до Аеродромот во Мадрид. Полетување во 20:45 и пристигнување во Скопје во 00:55 часот. Крај на програмата.

Услови

ЦЕНАТА ВКЛУЧУВА:

– Авионски превоз на релацијата Скопје- Мадрид-Скопје со вклучени аеродромски такси
– Рачен багаж (1 торба/куфер со димензии 40х30х20cm до 10kg)
– Трансфери во Мадрид од Аеродромот до Хотелот и обратно
– Сместување во Хотел Madrid-Plaza de España 4* во центарот на Мадрид на база 3 ноќевања со појадок
– Прошетки во Мадрид според програмата (со локален превоз)
– Организација на аранжманот и придружник на патувањето

ЦЕНАТА НЕ ВКЛУЧУВА:

– Доплата за уште 1 торба/куфер за рачен багаж со димензии 55х40х23cm (со максимум 10kg)
– Доплата за куфер за чекирање со максимум 10 или 20kg
– Факултативни посети: Посета на Толедо со вклучен автобуски превоз 55 евра, Фламенко…
– Влезници во локалитетити
– Карти за локален превоз (метро)
– Патничко-здравствено осигурување

Напомена:
Цените се по лице за сместување во двокреветни соби.
За реализација на аранжманот потребен е минимум од 20 патници. За резервација задолжителна уплата на аванс од 30% од вкупниот износ на аранжманот. Целосна доплата на аражманот е 15 дена пред поаѓање. Усни и телефонски резервации се невалидни. Плаќањето е исклучиво во денарска против вредност по курс 1 евро = 62,00 денари.
За реализација на факултативните излети потребен е минимум од 15 патници. При резервација задолжително е изјаснување/пријавување кои од понудените факултативи ќе ги користи патникот како би можела агенцијата навремено да ги организира истите.
Агенцијата го задржува правото на промена на редоследот на програмата во случај на непредвидени објективни причини, како на пример застој на граница, доцнење на летот, застој во сообраќајот, затвореност на некој од локалитети предвидени за посета …
Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.
Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата за ова патување.
Патникот има обврска пред поаѓање 24 часа да ја контактира агенцијата за потврда на точното време и место на поаѓање.
Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.

За овој аранжман важат општите услови за патување на ТА ПАПИЛОН